J&K-a hel pawl hluar chhan chu Pakistan a ni: Farooq Abdullah

National Conference(NC) hruaitu hlun, Farooq Abdullah chuan tun hnaia Jammu and Kashmir-a helpawl chetna hluar chungchangah Pakistan chu a bultumtu leh mawhphurtu a ni, tiin nimin khan a sawi. Pakistan chu tharum thawhna ti boa, India nena in ṭhian ṭthatna kawng zawng turin a ngen.

Farooq Abdullah hian Ningania helpawlin Gulmarg-a sipai motor an ambush avangaa sipai pahnih leh puakphur pahnih in nunna an chan chungchaga zawhna a chhannaah hei hi a sawi a, "Hetiang inbeihna hi a la thleng fo ang" tiin buaina siam kawnga a mawphurhtu chu an hre vek niin a tarlang.

Kashmir valley hmarlam, Baramulla district-a Gulmarg ambush-na thlengah hian sipai leh puakphur eng emaw zatin hliam an tuar bawk a ni.

Abdullah chuan Pakistan chu J&K-a harsatna thlen lo hian anmahni hmasawnna tur atana in sawrbing tur leh, ramri huama harsatna thlen fo lo turin a chah bawk. Ningania inbeihna thleng vang hian J&K-a Baramulla huam chhungah sipaite chuan ngawrh lehzualin helpawl te zawnna hna hi an thawk mek a ni.