Damdawi 49 in ṭhatlam tehna paltlang zo lo

Central Drugs Standard Control Organisation (CDSCO)-in September report a tih chhuahah, ram chhung damdawi siam chhuah hrang hrang sample 3,000 chuang an enfiahna aṭangin damdawi 49 chuan a ṭhat lam tehna, standard quality an paltlang zo lo tih a tarlang.

CDSCO in damdawi an enchhin zinga pali te chu company lem siam an ni tiin, CDSCO hotu Rajeev Singh Raghuvanchi chuan, " Damdawi enfiahna neih zawng zawng zinga 1% chauhin a ṭhatlam tehna hi an paltlang a ni. Khauh taka endikna hrang hrang neih hian damdawi ṭha lo siamchhuah chu awmze nei takin a khuahkhirh thei dawn a ni," tiin a sawi.

Damdawi ṭhatlam tehna paltlang lo tarlan ṭhenkhat te chu Swiss Biotech Parentarels siam Metformin, Life Max Cancer Laboratories siam Calcium 500 mg, Vitamin D3 250 IU tablet, leh Alkem Labs siam PAN 40, Karnataka Antibiotics & Pharmaceuticals Ltd siam chhuah Paracetamol tablets, Hindustan Antibiotics siam Metronidazole tablets, Rainbow Life Sciences aṭangin Domperidone tablets leh Pushkar Pharma siam chhuah Oxytocin injections bakah Gauze Roll Non-Sterile Roller Bandage leh Diclofenac Sodium tablets te pawh an tel.

CDSCO in thla tina damdawi siam chhuah ṭhat lam tehna endikna hna khauh taka a kalpui ṭhin hi damdawi ṭha tawk lo, non-standard quality(NSQ) zawrh chhuah tihremna tura hmalakna a nih thu tarlang.