Rampumah helmet himlo leh ṭha tawklo khap dawn

Department of Consumer Affairs (DoCA) chuan rampum huapin helmet him tawk lo zawrh leh siamchhuah khapna tur a kalpui dawn, hei hi lirthei kehnih nei khalh tu te himna tur atana tih a ni. Motor Vehicles Act 1988 hnuaiah lirthei ke hnih nei khalhtute chu helmet khum ngei tura tih an ni.

Lirthei ke hnih khalhtu zingah helmet him tawk lo chu zawrhchhuah a tamin, hei hi lirthei khalh tute himna tur atan a ṭhat tawkloh vangin khapna hi rampumah kalpui tum a ni. DoCA chuan Disrict Collectors (DCs) leh District Magistrate (DMs) te chu hetiang helmet him tawk lo leh ṭha tawk lo zawrhte titawp tura hma la turin a hrilh bawk.

Helmet siam theihna lisence 162 chuang chu tihtawpsak ni tawhin, hetih lai hian BSI Standard Mark emaw, Quality Control Orders(QCO) phal chin IS 4152:2015 tling pha lo siamtu license 27 chu hren mek an awm bawk. Ministry of Road Transport and Highways chuan QCO in June 1, 2021-a a tih chhuah angin helmet hi standard IS 4151:2015 a tling ngei tur a ni tih a tarlang.