May 14-ah ram 3 tlawh turin PM a zin dawn

Prime Minister Narendra Modi chu ram pathum tlawh turin May 14 hian a zin chhuak dawn a, China, Mongolia leh South Korea a tlawh ang.

Ministry of External Affairs chuan thuchhuah siamin, PM hian May 14-19 chhung ram pathumte hi a tlawh dawn tih a sawi. May 14-16 hian China tlawhin, Xian, Beijing leh Shanghai khawpuite a tlawh dawn a, China ram hruaitute a kawm bawk ang.

May 17-ah Mongolia-ah a kal ang a, India Prime Minister zinga Mongolia ram tlawh hmasa ber tur a ni.

May 18 leh 19-ah South Korea-ah awmin, SKorea President Park Geun-hye a hmu dawn a ni. Hei bakah hian Seoul-ah sumdawng aiawhte a hmu bawk ang.