Kerala-a Naxal commander man a ni

Kerala-a Naxal helpawl hotu, Roopesh chu chhim lam state pali police-te'n man tuma an zawn hnuah Tamil Nadu-ah a nupui leh midang pathum nen an man.

Roopesh hi law graduate a ni a, a nupui Shyna nen hian Kerala mi niin, kum 10 chuang zet chu an biru tawh a ni. Thawhṭanni khan Andhra Pradesh, Kerala, Karnataka leh Tamil Nadu police thawkho te'n an man a ni.

Kerala Home Minister Ramesh Chennithala chuan Naxal hotu man a nih thu hi Thawhṭanni zan khan a sawi a, state sorkar pali-te'n theihtawp chhuaha an beih hnuah an man thei ta tih a sawi. Roopesh hi Kerala-ah hruai a ni dawn tih a sawi bawk.

Naxal member panga man an nih avang hian helhoin pawikhawihna an thlen venthawn thilah Tamil Nadu-Kerala ramri venhimna pawh tihkhauh nghal a ni. Police-te chuan ramri biala bank, police station leh checkpost-a duty turin mi 300 chuang a dah nghal a ni.