Kerala temple-a kangmei chhuakah mi 150 chuang hliam

Kerala-a Kasaragod khuaah Thawhṭanni zan lai dar 12:30 vel khan kut an hman naah halmawi hal tur an dahkhawmnaah kangmei a chhuak a, pungkhawm zinga mi 150 chuangin liam an tuar. An zinga mi pariat te chu an dinhmun a ṭha lo hle nia sawi a ni.

Kangmei chhuahna hi Anjootambalam Veerarkavu Temple a ni a,Kaliyattam kut hmangin mipui ṭhahnem tak an pungkhawm a ni. Chhiatna thleng chungchangah hian mawhphurtu nia hriat mi pariat lakah police-ten FIR an ziaklut nghal. Bharatiya Nyaya Sanhita (BNS) leh explosive substance act hmang te a thubuai hi ziah luh a ni a, mimal hming tarlan erawh a awm lo.

Hliam tuar eng emaw zat chu Kasaragod, Kannur, leh Mangaluru-a damdawi-inah te dah luh an ni. Thuneitute lam hian kangmei chhuah chhan chhuichian hna hi an thawk nghal bawk.

Chief minister Pinarayi Vijayan chuan he thil thleng hi eptu lam thiltih niin a puh a, "Thrissur Pooram festival lawma kawngzawhte tihbuai tuma Congress kaihhruai UDF ruahmanna a ni" tiin a sawi.