Palestine hnenah damdawi mamawh tur ton 30 thawn

Sorkar laipui chuan tun hnaia Middle East-a buaina hrang hrang thleng mekah Palestinian mipuite a thlawpna lantirnan damdawi mamawh hrang hrang ton 30 a thawn. Damdawi thawn zingah hian cancer damdawi pawh a tel.

Ministry of External Affairs thupuangtu Randhir Jaiswal chuan X ah,"India chuan Palestian mipuite a thlawpna chu chhunzawm zelin, mipuite mamawh chhawmdawlna turin damdawi mamawh hrang hrang tur ton 30 chuang a thawn a ni," tiin a tarlang.

Kar liam ta khan United Nations Relief and Works Agency(UNRWA) kaltlangin Palestian mipui te chhawmdawlna tur hi a thawh khatna chu a lo thawn tawh bawk. Damdawi bak ei tur lam chi ton 30 chuang a thawn a ni. Hemi ṭuma an thil thawn zingah hian inzaina bungrua, dental product, general medicine leh chakna pai tam chi biscuit-te a tel thu Jaiswal chuan a sawi.

India hian damdawi lam bakah Gaza mipuite chhawmdawlna tur hi a hma pawhin a lo thawn tawh bawk. July thla khan UNRWA hnenah Gaza mipuite USD mtd 2.5 a pe.