Bihar inthlanah Janata Parivar hmingin chuh dawn

Regional party paruk inzawm­khawm, Janata Parviar chuan kum­ina Bihar Assembly inthlan neih turah chuh a tum.

Samajwadi Party, RJD, JD(U), JD(S), Samajwadi Janata Party leh INLD te chu party lian leh chak, BJP bei let thei tur siam tumin an inzawm­khawm a ni. Party thar hming atan hian Samajwadi Janata Party tih a ni a, an hotu lu ber atan Samajwadi Party hruaitu Mulayam Singh Yadav chu ruat a ni tawh a, RJD president Lalu Prasad chu party convener a ni ang. Party flag leh symbol turte chu thlanfel a la ni lo.

Bihar Assembly inthlan neih tur atan hian seat insem dan tur pawh an tifel tawh a, chief minister candidate atan Chief Minister ṭanglai Nitish Kumar chu hman a ni ang. Janata Parivar hian assembly seat 100-ah chuh an tum a ni.