Sorkarin cancer damdawi 3 man ti hniam turin ngen

Sorkar laipui chuan damdawi siamchhuaktu company-te hnenah cancer damdawi pathum chu chhiah an lak tih tawp leh, GST tih hniam a nih vangin man tlawm zawka zuar chhuak turin a ngen.

Sorkarin ngenna a siam hnuah, National Pharmaceutical Pricing Authority (NPPA) chuan heng cancer damdawi pathum - Trastuzumab, Osimertinib leh Durvalumab siamtu company-te hnenah a MRP ti hniam tur hian a hriattir ve nghal a ni.

2024-25 union budget-ah khan cancer damdawi pathuma custom duty lak ṭhin chu tih tawp a nih thu ministry of chemical and fertilisers chuan a sawi a ni. Hei vang hian heng damdawi pathumte zawrh chhuahna , mipuiten an leina man pawh hi tih hniam a ni tur a ni, a ti.

Cancer damdawi pathum siamtute hi dealer, state drugs controller leh sorkar hnena damdawi an pekna rate hi an ti chhuak tur a ni tiin, NPPA hnenah pawh a man an tih hniamna hi an hriattir tur a ni tiin ministry chuan a tarlang.