India-in National biodiversity plan update ti chhuak

India chuan national biodiversity plan update ti chhuakin, kum 2030-ah chuan a ram chhunga khawmual, tui leh tuipui kam huam china hmun chu a tlem berah 30% humhalh leh venhim a tum.

Cali, Colombia-a National Biodiversity Strategy and Action Plan (NBSAP) update tlangzarhah hian kum 2022-a 15th UN Biodiversity Conference-a siam, Kunming-Montreal Global Biodiversity Framework (KM-GBF) hnuaia global goal 23 an lo siam zulzuiin target 23 siamte chu tarlan a ni.

KM-GBF in a tum bulpui ber chu khawvela khawmual leh tuipui huam chhung 30% te venhimna hna chu 2030 hma ngeia tih hlawhtlin a ni. Hei bakah hian ecosystem chhe tawh tuai thar leh te, ramngaw, hmun hnawng te leh lui tui te humhalh a, a hma anga tui thinghlim intlak an pek chhuah leh theihna tura hmalakna siam te chu a thil tum a ni bawk.

India hi khawvela megadiverse ram 17 zinga pakhat a ni a, kum 1994 khan UN Convention on Biological Diversity(CBD) ah a lo tel tawh bawk. Khawvela nungcha hrang hrang chhinchiah zinga 7-8% lai chu India ram chhunga hmun 2.4% ah hian an cheng a ni.