PM Economic Advisory Council Chairman a thi

Prime Minister Narendra Modi eonomic advisory council chairman , author leh Economist ni bawk Bibek Debroy chu kum 69 mi niin nimin zing khan Delhi AIIMS ah a thi.

Bibek Debroy hian PM Economic Advisory Council Chairman hna hi kum 2017 aṭang khan a chelh a, Niti Aayog member a ni bawk. Sanskrit scholar niin, Bhagavad Gita, Vedas, Puranas leh Upanishad-te pawh English in a lo let tawh a ni.

Ramkhrishna Mission School, Narendrapu-ah lehkha zir in, Kolkata-a Presidency College Kolkata-ah a zir zawm a, Delhi School of Economics leh Trinity College, Cambridge ah zirna sang zawk a zo leh bawk. Presidency College Kolkata, Indian Institute of Foreign Trade Delhi ah te hna thawkin, Gokhale Institute of Politic and Economics(GIPE) Pune-ah Chancellor a ni tawh bawk. 1990 chhoah khan Finance Ministry-a Department of Economic Affairs ah kum khat a awm a,1997-2005 khan Rajiv Gandhi Institute for Contemporary Studies (RGICS)-ah director a ni.

Prime Minister Modi chuan Debroy a ui thu sawiin, " Dr. Bibek Debroy hi scholar ropui tak a ni a economics, history, culture, politics, leh sakhaw lam tupui tak a ni. A hna thawh hrang hrang hian India hmelhmang nasa takin ati danglam a ni. Mipuite tana a hnathawh bakah hmanlai thuziakte a tuipui a, hei hi ṭhangthar zawkte tana chhiar awlsam zawk turin a siam a ni," a ti.