SAI hostel-ah infiammi hmeichhe pakhat intihlum

Kerala-a Sports Authority of India (SAI) hostel-a awm zinga infiammi hmeichhe pali-te chu an trainer-in a tihnawmnah avangin Nilaini zan khan intihhlum tumin tûr an ei a, an zinga pakhat chu thiin midang pathumte pawh damdawi-inah enkawl mek an ni.

Infiammi hmeichhe pali-te hi SAI hnuaia Water Sports Centre-a training nei lai an ni a, an zinga pakhat hian kumina National Games neih ṭum khan kayak event-ah gold medal pawh a lo la tawh a ni.

Hmeichhe pali-te hian thei tûr pai, tualchhung miten 'Othalanga' an tih chu an ei nia sawi a ni.

Nilaini zan khan SAI women's hostel-a tûr an ei hnu hian General Hospital panpui nghal an ni a, heta aṭang hian Medical College Hospital-ah sawn an ni.

Report chuan an trainer hian infiammite hi a nawr nasat avang leh zahthlak taka a siam ṭhin avangin tûr awmna thei hi an ei ta mai nia sawi a ni. An chhungte pawhin hmeichhe tleirawlte hian an senior-te aṭangin rilru leh taksa lama tihnawmnah an tawk fo niin an sawi.

Sports Ministry chuan infiammite chunga thil thleng hi chhui chiang nghal turin thupek a tichhuak a, hei bakah hian SAI Director General Injeti Srinivas chu Kerala-a kal a, thil awmdan enfiah turin a tir bawk.