West Bengal-in loneitute chhawmdawl nan Rs vbch 59 pe

West Bengal sorkar chuan hunbi loa ruahtui tla leh rialtla avanga harsatna tawk mek, loneitute mi nuai 2.75 vel ṭanpuina turin cheng vaibelchhe 59 a pe.

Agriculture department-in a chhut danin February thla tawp leh April thla tir lama nasa taka rua­hsur nasa avangin district 12-ah ram hectare 50,600-a zaua thlai chin a chhia a ni. State Secretariat chuan Chief Minister Mamata Banerjee-in harsatna tawk mek loneitute hi rang taka chhawmdawlna pe turin state disaster management department pawh a hriattir a ni, a ti.

State sorkar hian chhawmdawlna tur sum hi a pechhuak tawh a, loneitute hnenah hian cheque-in sem ṭan a ni.

Delhi Chief Minister Arvind Kejriwal-a pawhin ruahsur nasa avanga harsatna tawk, loneitute hnenah zángnadawmna pek an ni dawn tih sawiin, cheque-in pek an ni dawn tih a sawi. Kejriwal chuan Delhi-a loneitu, ruahsur avanga an thlai chin 70% chante hnenah zángnadawmna hi acre khatah Rs 20,000 zela pek a ni dawn tih a sawi a, loneitu mi 1,000 velin sorkar ṭan-puina hi an dawng thei dawn a ni.