BrahMos Missile kapchhuak

BrahMos land-attack cruise missile chu kar kalta Inrinni khan hlawhtling takin Car Nicobar Islands aṭangin enchhin a ni.

Defence thuchhuah chuan, "Land-to-land BrahMos Block-III version hi Mobile Autonomous Launcher (MAL) aṭangin kahchhuah a ni a, a target tak a fuh a ni," a ti. Hemi hma, Zirtawpni pawh khan enchhin a lo ni tawh bawk a, hei pawh hi hlawhtling taka kahchhuah a ni bawk.

BrahMos missile hi India leh Russia ṭangrual­in an siam a, kilometre 290 chin kap thei tur niin, Mach 2.8 speed a ni a, khaw­mual leh tuipui aṭanga kahchhuah theih, tuipui leh khawmuala target kap thei tura duan a ni.