Sipaite'n silaimu an ngah tawk lo

Comptroller and Auditor General of India (CAG) report chuan Indian Army chuan indo a thlen thulhah silaimu ni 20 daih tur vel chauh a nei niin a tarlang a, danah chuan ni 40 daih tal a nei khawl tur tih a ni.

Kar kaltaa Parlaiment inkhawmah CAG report hi pharh a ni a, hetah hian Army in silaimu reserve hi 10% vel chauh a nei a, reserve zinga a tam zawk 50% chu ni 10 emaw, a aia tlem emaw daih tur chauh a ni, a ti.

CAG report hian Army-a silai mu enkawl chungchangah Army Headquarters (AHQ)-a Director General Ordnance Services (DGOS) chu a mawhphurtu a nih thu a tarlang bawk.

DGOS hian ni 40 daih tur silai mu hi pe mah se, Army Headquarters lam chuan sum lam indaih loh avang leh,Ordnance Factory Board (OFB) hnuaia silaimu siamtu Ammunition and Explosives Group-a factory 10-te'n an siamchhuah chak tawk loh avangin ni 20 daih tur chauh hi an la thei tih niin report chuan a sawi.