CAA chungchangah BJP a tawlh dawn lo : Amit Shah

Union home minister Amit Shah chuan Citizenship (Amendment) Act (CAA) chuan dodalna nasa tak tawk mek mah se, he dan hmang tura thutlukna siam chungchangah BJP chu inches khat pawhin a tawlh dawn lo tih a sawi. 

CAA chungchangah eptu party-te chu thu dik tawk lo thehdarhah Amit Shah chuan a puh a, hei vang hian mipuite hnena chiang zawka inhrilh­hriatna turin BJP chuan 'awarengess programme' a siam a ni, tiin he prog­ramme hawnna inkhawm­ah a sawi a ni. Congress chu dik lo taka Muslim-te rilru hruaikawiah puhin, Rahul Gandhi chu he dan hi a chhiar chiang takzet a nih chuan sawidun tur­in a cho nghal bawk. 

Amit Shah chuan CAA chu minority-te beihna tur a ni lo tiin, CAA-ah chuan India khua leh tui ni tawhte an nihna laksakna tur a awm lo a, khua leh tui nihna pekna zawk tur a ni tiin, "Eng sakhua mah hmaih a ni lo," a ti.