India Army ten Depsang ah patrolling ṭan leh ta

India leh China-in an sipaite Ladakh khawchhak lam,Demchok leh Depsang-a patrolling an neih dan tura inremna an siam hnuin, Indian army chuan Depsang region-ah patrolling an ṭan leh ta.

14 Corps, Fire and Fury Corps tia sawi bawkte chuan Depsang-ah hian patrolling hi hlawhtling takin an nei. Hei hi kum 2020, May-a ramri, Line of Actual Control (LAC) a ram pahnih sipaite intihbuaina a thlen hnuah patrolling point-ah an duty lehna hmasa ber a ni.

" India leh China te kan ram huam chhung ve ve aṭanga kan in hnuhdawh hnuah Depsang leh Demchok ah te patrolling te kan ṭan leh thei ta a ni. Indian Army te pawhin patrolling point Depsang ah hian hlawhtling takin vawiin khan kan nei. Hei hi LAC-a buaina rehna leh ralmuanna awm theihna tura hma lam panna pawimawh tak a ni," tiin 14 Corps hian X ah an tarlang.

Depsang huam chhungah hian January 2020 kha patrolling neih hnuhnun berna niin, inremna an siam theih tak vangin Indian Army ten heng patrolling point 10, 11, 11A, 12 leh 13 ah te hian patrolling an chhunzawm leh thei ta a ni.