Kar khat hnuah TN CM atan Jayalalithaa-i lakluh beisei a ni

Tamil Nadu Chief Minister hlui, AIADMK hotu lu ber J Jayalalithaa-i chueiruk thubuaiah a fihlim tak avangin kar khat hnuah Chief Minister atana dah leh leh beisei a ni.

Bengaluru trial court chuan Jayala­lithaa-i hi a sum lakluh phuloa hausaa puhna, eiruk thubuaiah thiam loh chan­tirin, kum li tang tur leh cheng vaibel­chhe 100 chawi turin a lo hrem tawh a ni. Hei hi CM hlui hian Karnataka High Court-a a appeal hnuin court chuan an puhnaah finfiahna rintlak a awm lo tiin a thubuaiah hian fihlimah a puang a ni.

Thiam loh chantir a nih hian Jaya-i hi CM a nihna aṭangin a bang a, hei bakah hian kum 10 chhung inthlan chuh thei lo tura hrem a ni bawk. Mahse a thubuai hlihsak a nih rual hian an hremna pawh hi hlih nghal a ni.

AIADMK chuan an party hotu hi hrem a nihnate hlihsak a nih tak avangin May 20 hma ngeiin CM atan lakluh a ni leh dawn tih a sawi a, hei bakah hian kumina Assembly inthlan neih turah pawh a chuh thei dawn a ni.

Karnataka High Court chuan Jaya-i thubuai a hlihsak rual hian trial court-in thiam loh a chantir ṭuma a thil neih khawih chet theih loha a dahsakte pawh pe chhuak leh nghal turin a hriattir a bawk.

Eptu pawl, DMK hruaitu leh Tamil Nadu Chief Minister hlui, M Karunanidhi chuan High Court thutluk­na siam dan chu mak a tih thu a sawi a, BJP MP Subramanian Swamy pawhin court thutlukna chu appeal-ah a vau bawk.