Bihar-ah Modi leh Rahul ten rally nei ṭan

Bihar assembly inthlan neih tur atan party hrang hrangte an ṭang chho tawh hle. Nimin khan prime minister Narendra Modi leh Congress hruaitu Rahul Gandhi-te chuan an party tan cam­paign-in rally an nei ṭan. 

PM Modi hian nimin khan hmun thum Dehri-on Sone, Gaya leh Bhagalpur-ahte rally a nei, Bihar chief minister Nitish Kumar kaihhruai National Demo­cratic Alliance (NDA) chu vote turin  mipuite a sawm. 

Modi hian NDA can­didate-te tana campaign-in Bihar-ah hian rally vawi 12 a nei dawn a ni. 

October 28-ah Dar­bhanga, Muzaffarpur leh Patna-ah a nei dawn a, November 3-ah West Champaran, Saharsa leh Araria-ah rally a nei bawk ang. Bihar-a BJP star campaigner atana a ruat, union minister Rajnath Singh, BJP president JP Nadda leh Uttar Pradesh chief minister Yogi Adit­yanath-te pawhin rally an nei dawn  bawk a ni. 

Congress hruaitu Rahul Gandhi pawhin nimin khan Hisua leh Kahalgaon hmun­ah rally-ah thu a sawi bawk. 

Biarh-ah hian eptu ṭangrual pawl, Grand Alliance-ah Rashtriya Janata Dal (RJD), Congress and Left party-te an thawkho a ni.  

Rahul Gandhi chuan Prime Minister Modi chu coronavirus lockdown chhunga nitina inhlawhfa ṭhinten harsatna nasa tak an tawh chungchangah te, China nena ramri buaina neih mek chungchangahte na takin a dem.