Kolkata rel-a bomb puakah mi 17-in hliam an tuar

West Bengal, North 24 Parganas district-a Titagarh station bulah nimin zing khan Sealdah-Krishnanaga rel-ah bomb a puak a, mi 17-in hliam an tuar.

Report chuan zing dar 4 vel khan rel-a chuang, tualchhunga pawl hnihte chu intibuaiin, bomb na lo chi hmang hian an invawm niin a sawi. Buai thlenna hmun hi Eastern Railway's Sealdah Main section hnuaia local train compartment panga-na a ni. Hliam tuarte hi RG Kar Medical College and Hospital-ah dah luh nghal an ni.

RN Mahapatra, CPRO Eastern Railway chuan rel hi zing dar 3.20 khan Sealdah station aṭangin a tlanchhuak a, dar 3.55-ah Titagarh station hi a thleng tih a sawi. Titagarh station-ah hian mi pakhat a luh belh hnuah bomb hi a puak ta a ni.

Railway police-te chuan pawikhawihna thleng hi an chhui chiang nghal a, bomb puak hi tualchher bomb niin an sawi.