Delhi leh Kolkata-ah lirnghing vangin metro service a khaihlak

Nimin chhun khan Nepal ramah magnitude 7.4-a nain lir a nghing leh a, lirnghing hi ramchhung hmarlam leh khawchhak lamah pawh hriat a ni a, Bihar-ah lirnghing vanga chhiatna thlengah mi pathum an thi.

Delhi leh Kolkata-ah chuan lirnghing vang hian metro service pawh titawp lailawk a ni a, mahse hun eng emaw chen hnuah dan pangngaia tlan tir leh a ni. Khawpui pahnihte bakah, Patna leh Gurgaon khawpuiahte lirnghing hi hriat a ni a, mi tam tak chu in aṭangin an tlanchhuak a, Delhi-ah pawh school naupangte chu building aṭangin an tlan chhuahtir bawk.