DTC-a thawkte'n nawrh an chhunzawm
Delhi Transport Corporation (DTC) thawkte chuan kawngpuia bike khalhtu pakhatin DTC driver a thah avanga lungawi lohna lantira nawrh an huaihawt chu nimin khan an chhunzawm a, hei hian khawpui chhung nunphung a tikhaihlak nasa hle. Nawrh huaihawt vang hian DTC bus 4,000 vel an ding a ni.
DTC hnathawkte hian mi kuttuara thi, driver chhungte hnenah hian cheng vaibelchhe khat pek an phut a ni. Delhi sorkar chuan mitthi chhungte hnenah hian cheng nuai 5 a pek tur thu a puang.
Chief Minister Arvind Kejriwal-a kaihhruai AAP sorkar chuan nawrh huaihawtte lakah hian Thawhṭanni khan Essential Services Maintenance Act (ESMA) a hmang a, hnathawktute chu an hna an thawh zawm loh chuan banah a vau. AAP sorkar chuan DTC driver thah chungchang hi BJP-te'n politics khelhna hmanruaa hmanga puhin, nawrh huaihawtnaa pawh a mawhphurtuah a puh a ni.