Railways-in Parliament canteen enkawl hna ITDC kutah a hlan dawn

Russia siam Covid-19 vaccine Sputnik V chu India-a mi 100 volunteer-teah enchhinna neih a ni dawn tih, Indian Central Drugs Standard Control Organisation's Drug Controller General (DCGI) chuan a tarlang.

 DCGI chuan Dr Reddy's Laboratories chu he vaccine enchhinna neih hi a phalsak tawh a ni. Enchhinna neih hun leh ni tur erawh campany lamin an la sawi chiang lo. 

Sputnik chuan clinic-a phase 3 enchhinna kalpui hmain phase 2-ah hian enchhinna neih chu tihkim phawt an duh thu an tarlang. Kar liam ta khan DCGI expert committee chuan India rama Sputnik V vaccine clinical trial phase 2 neih phalna pek hi a lo remti tawh a ni. 

Dr Reddy's Lab chuan phase 2-ah hian mi 100-ah vaccine hi enchhin niin, phase chu 1,400 ah neih a ni dawn tih a sawi.

Indian drugmaker hian Russian Direct Investment Fund (RDIF)-te chu thawh­puiin, Sputnik V chu India-a enchhin a nih theih nan hma an la a ni. RDIF tarlan dan chuan Dr Reddy's Lab tan hian vaccine hi peihfel a nih hunah dose maktaduai 100 an supply dawn tih a sawi.  Thla hlui khan RDIF-a CEO, Kirill Dmitriev chuan Sputnik V chungchangah hian India sorkar leh India-a drug manufacturer-te nen inbiakna an neih thu a lo sawi tawh a ni.