Chennai school-ah gas leak,naupang 10 damdawi-inah dah lut

Tamil Nadu khawpui, Chennai-a Tiruvottiyur-a Victory Matriculation Higher Secondary School naupang 10 chu luhai leh luak vangin damdawi-inah dah luh an ni a, heng zirlaite harsatna tawhna chhan hi gas leak vang nia sawi a ni.

October 25, 2024 khan gas leak vang hian zirlai naupuang 40 chuang chu luhai leh luak vangin harsatna an lo tawk tawh bawk. Hei vang hian school ni 10 chhung khar a ni a, Thawhṭanni khan an hawng leh chauh a ni. Mahse an hawn ni hian naupang 10 te hian harsatna an tawk leh nghal.

Tamil Nadu Pollution Control Board leh School Education Board chuan gas leak awmna chu chhui chhuah ngei tumin hma an la nghal a ni. School Education Department official-te chuan sikul leh harsatna tawk zirlaite an tlawh. Gas leak chhan hi hmuhchhuah a nih hma chu zirna in hi khar tura tih ani bawk.