FCI tih hmasawnna tur Rs vbc 10,700 in ruahman

Cabinet Committee on Economic Affairs (CCEA), Nilainia ṭhu khawm chuan Food Corporation of India (FCI) tih hmasawnna tur atana Rs vbc 10,700 a pawm. Hei hi 2024-2025 a equity a dah 'Way and Means Advance' thlakna tura tih niin, sorkar kumthara FCI hnathawhna tur sum hlawm atan duan a ni.

Sorkar laipui chuan he thutlukna hi rampuma lo neitute hamṭhatna tih hmasawnna tura duan a nih thu a sawi a,"He hmalakna hi sorkarin ramchhunga thlai thar tih hmasawnna tur leh lo neitute a thlawpna tur atana a in pumpekna lan tirtu a ni" tiin meeting zawhah an thuchhuah a tarlang.

Food Corporation of India hi 1964 khan ṭan niin capital atan Rs vbc 100 leh equity ah Rs vbc 4 te duan a ni. Kumin February-ah khan capital hi Rs vbc 21,000 a kai tawh. "FCI equity hi 2019-20 khan Rs vbc 4,496 niin 2023-24-ah Rs vbc 10,157 ah a pung hman. India sorkar hian hmasawnna tur leh ṭhan lenna tur atana FCI thuam chakna turin sum hman tur hi a ti pung a ni" tiin sorkar laipui chuan a sawi.

"Equity tih pun hian FCI mamawh phuhrukna tur chu nasa takin a pui thei dawn a, hun reilo te atan fund mamawhna awm vanga FCI sum puk ngai ṭhin pawh a hnawh khat thei anga, he thil duan thar hian sum puk punna vanga harsatna awm leh India sorkar aṭanga subsidy ngai ṭhin pawh nasa takin a tlahniam thei dawn" niin an thuchhuah ah hian an tarlang.