Modi kaihhruaiin hel awm lohna India siam dawn : Amit Shah

Union home minister Amit Shah chuan Nilaini khan prime minister Narendra Modi kaihhruai sorkar chuan zero tolerance policy hmangin, India chu hel awm lohna ramah a siam dawn tih a sawi.

Amit Shah chuan nimin aṭanga ṭan, ni hnih awh tur, Anti-Teror conference neihah ram venhim hna thawktu sipaite tih chakna turin agency te nen thawh hona zau zawk pawh a siam thei dawn a ni, ati.

"Modi sorkar chuan helpawl awm lohna, terror-free India chu zero-tolerance policy hmangin a din thei dawn a ni" tiin Shah hian X ah a tarlang. PM Modi hruaina hnuaiah sorkar chuan sualna leh helpawlte chu a zung chawpa paih bo tuma inpein theihtawp a chhuah a ni, tiin official-a thuchhuahah chuan a tarlang bawk.

Annual conferenc-ah hian helpawlte tukdawl an nih theihna atan counter-terrorism thuam chakna tur hrang hrang, dan leh hrai tih changtlunna tur peng hrang hrang ngaihtuah chu a tum ber niin, an tawnhriat leh tih dan ṭha zawk te in hrilh hriatna hun hman a ni bawk.

Conference-ah hian state leh UT aṭang senior police officer te an tel bakah central agency leh counter-terrorism kaihhnawih harsatna buaipuitu department te, mithiam bik leh hetiang kaihhnawih buaipui ṭhin law, forensic, technology lam te an tel bawk a ni.