Sipaite zahna lan tir nan OROP hman a ni: PM Modi

Prime minister Narendra Modi chuan Ningani khan 'One Rank One Pension', OROP hman theiha duan chu ram pasalṭha, sipaite tana zahna leh chawimawina lantirna kawng pawimawh tak a ni tih a sawi.

PM Modi chuan he thu hi a X ah tarlangin, he scheme hi BJP in 2014 Lok Sabha inthlan hmaa a lo tiam tawh a nih thu leh, 2015 khan hman theiha tihfel a nih thu a sawi. Modi kaihhruai National Democratic Alliance (NDA) sorkar chuan OROP hi November 7, 2015 khan hman tura tichhuakin July 1, 2014 chin huam tura tih a ni.

"He thil hi pensioner leh pensioner chhungten hlawkna an tel theihna tur mellung pawimawh tak niin, OROP hi sorkarin sipaite leh an chhungte tana hamṭhatna siamsak tura a inpek zia ti lang tu a ni" tiin a sawi. PM hian sorkar chuan sipai tha tih chakna turin enkim a theih ang apiang chu ram tana thawktu tan a ti zel dawn tih a sawi bawk.

"OROP hman theih tura tih hlawhtlinna hian hun rei tak chhung an lo ngen tawh, ram pasalṭha te zahna lantirna tura ke penna pawimawh tak a ni" tiin PM chuan a sawi.