Jharkhand minister & MLA hlawh tisang

Jharkhand cabinet chuan an state chief minis­ter, minister leh MLA-te hlawh tihsanna tur a pawm.

Cabinet meeting hi Chief Minister Raghuvar Das kaihhruaina hnuaiah neih a ni a, meeting-ah hian thutlukna hrang hrang 22 an siam.

Hlawhbi siamṭhat aṭang hian Chief Minister-in kum khatah cheng nuai 17.22 a hlawh ṭhin chu nuai 24.60-ah tihsan a ni a, cabinet minister-te hlawh chu kum khatah cheng nuai 15.30 aṭangin nuai 21.60-ah tihsan a ni bawk.

MLA-te kum khat hlawh, cheng nuai 11.62 pawh cheng nuai 21.64 ah tihsan a ni a, Opposition Leader leh Chief Whip-te'n thla khata Rs 89,000 leh Rs 89,500 an hlawh chu Rs 1,75,000 leh Rs 1,57,500-ah tihsan a ni.

Speaker-in thla khatah Rs 1,75,000 a hlawh tawh dawn a, a hlawh hlui chu Rs 1,04,500 a ni. Rs 82,500 hlawh ṭhin, Deputy Speaker pawhin Rs 1,56,000 a hlawh tawh ang.

Cabinet-in thutlukna dang a siam zingah, panchayat/ municipal inthlana duty, an duty laia thi chu an chhungte hnenah zangnadawmna Rs nuai 10 pek an ni ang a, Naxal hel pawikhawihna kaihhnawiha thi chu Rs nuai 20 pek an ni ang.