Nepal puih tum rih lo

India sorkar chuan, tun hnai Nepal-a lir­nghing nawn lehah Nepal lamin a ngen loh chuan ṭanpuina thawn luh a tum tawh lo.

Thawhlehni khan Nepal ram chu lirnghing na takin a sâwi leh a, mi 65 in an thihphah.

Senior Home Ministry official-te chuan Prime Minister Office-a official leh cabinet secretary-te chu meeting neihpuiin, Nepal rama chhiatna thleng hi an sawiho a, he thutlukna hi an siam a ni. Hetihlai hian Nepal-in ṭanpui tura a ngen chuan rang taka che chhuak thei tura inring turin National Disaster Response Force (NDRF) leh Indian Air Force (IAF)-te chu hriat­tir an ni.

Nepal rama lirnghing hian India ram pawh a sawi tel a, hriat theih chin­ah mi 17 an thi tawh a, an zinga mi 16 chu Bihar state mi niin, mi 39 in hliam an tuar bawk. April 25-a lirnghing vang khan Bihar-ah mi 58 an thi tawh bawk.