Faknaah President, PM, CJ thlalak

Supreme Court chuan sorkarin advertisement a tihchhuah chungchangah kaihhruaina dan thar ti­chhuakin, sorkar adver­tisment-ah President, Prime Minister leh Chief Justice of India-te thlalak leh ram hruaitu hlui thi tawhte thlalak tih loh, politician dang thlalak dah a remti lo.

SC chuan sorkarin ad­ver­tisment a tihchhuahte enfiah tura special audit tih kher a ngai lo tih a sawi bawk.

Advertisement chung­changa kaihhruaina thar hi public interest litigation (PIL) pahnih thehluh a nih hnua siam a ni. PIL thehluhah hian sorkarin khawlaia advertisment lian (hoarding) siamna tan sum tam tak a sengral nia sawi a ni. Hengte hi dik lo taka sum hmanna nia sawi a ni bawk.

Sorkarin public fund dik lo taka a hmang tur venna atan SC hian guideline duangtu tur committee a din a, committee chuan newspaper leh televi­sion-a sorkarin public fund hmanga politics-a hlawkpui tumna zawnga advertisement a pek turte venna tur a duang a ni.