EAM Jaishankar-a'n Singapore a tlawh

Australia leh Singapore tlawh tura zin chhuak, External Affairs Minister (EAM) S. Jaishankar chuan nimin khan Australia aṭangin Singapore a thleng.

Singapore-ah hian deputy prime minister Gan Kim Yong a hmu a, ram pahnihte thawh dunna tur hrang hrangte sawiin, industrial parks, innovation leh semiconductor chungchang chu an thlurbing a ni. EAM hi Roundtable of ASEAN- India Network of Think Tank vawi riatna neih tur chu a hmang nghal dawn a, he hunah hian Association of Southeast Asian Nation(ASEAN) huam chhung ram Indonesia, Singapore, Philippines, Malaysia, Brunei, Thailand, Cambodia, Laos, Myanmar, leh Vietnam te an tel dawn a ni.

Jaishankar hian November 3-7 chhung khan Australia a lo tlawh tawh bawk a, Australia external affairs minister nen inkawmin, India leh Australia inkar tih chakna leh thawh dunna turte an sawi dun. Hei bakah hian Australia-a pawl hrang hrangte nen inkawmna hun an hmang bawk.