Maha inthlan tur atana MVA leh Congress manifesto tlangzarh

Congress party president Mallikarjun Kharge chuan nimin, Pathianni khan Maharashtra assembly inthlan neih tur atana Naha Vikas Aghadi(MVA) nena an manifesto inṭawm tlangzarhna hun a hmang. State tih hmasawnna tur atana an ngaih pawimawh tur panga a puang nghal bawk. .

Manifesto inṭawm, "Maharashtra Nama" tihah hian sum leh pai hmanga hmeichhiate puihna tur, Rs 3,000 pek a ni dawn tih an tarlang. Kharge chuan hmasawnna tur atana ban pawimawh panga te tarlangin Maharsahtra hmasawnna tur innghahna chu lo neih, rural development, industry and employment, urban development, environment and public welfare te a ni, a ti.

"Heng kan thiltiam pangate hi Maharashtra hmasawnna atan hian a ṭangkai hle dawn a, chhungkaw tinin kumtinin ṭanpuina Rs nuai 3 an dawng dawn. Mahalakshmi scheme kaltlangin hmeichhia zawng zawngte chuan Rs 3000 thla tinin an dawng thei dawn a, Maharashtra hmeichhiate tan bus a thlawna hman tur a service dawn a, loneitu a hun taka an loan lak rul te chu Rs 50,000 ṭheuh kan pe let dawn bawk a ni" tiin Congress President chuan a sawi.

Ṭhalai hna zawng mekte chu stipend, Rs 4,000 thla tin pek a nih dawn bakah health insurance scheme, Ashok Gehlot-a'n Rajasthan-a bul ṭan chu Maharashtra ah pawh hman a nih ve tur thu a sawi bawk.