J&K-ah helpawl nena inkahna thleng leh

Jammu and Kashmir-a helpawl eng ber nge tih hriat loh leh security force chu Inrinni khan Baramulla district-a Sapore hmunah an inkap leh. Helpawl mi leh sa pakhat kahhlum a ni tih official-ten an sawi.

Hetih lai mek hian nimin, Pathianni khan J&K-a Zabawan ramhnuai, Srinagar huam chhungah helpawl leh security force te inkahna a thleng bawk.

J&K police official-ten an sawi danin CRPF leh police te thawk dun chuan intelligence aṭanga hel an awm thu hriattirna an dawn bawhzuiin nimin zing aṭang khan Zabarwan ramhnuai ah hian beihpui an thlak. Ramhnuaia hel zawn hna an thawh laiin helpawl lam hian lo kap hmasain, sipaite hian rang takin an chhanglet ve nghal a ni. Inbeihna thlenna hmunah hian sipai thawnluh belhin helpawl te hi dan chep an nih theih phah niin an tarlang. Kar khat chhungin Srinagar ah hian inkahna a thlen vawi hnihna a ni tih an tarlang bawk.

Kishtwar district huam chhung ramngawa inkahna thlengah nimin, Pathianni vek khan sipai mi leh sa pathum chuan hliam an tuar niin official-te hian an tarlang bawk. " Keswan-Kistwar inkarah helpawl leh security force te hi inkapin, helpawl mi leh sa pathum aṭanga pali chu an tang mek a ni" tiin police thupuangtu chuan a tarlang.