NDA kum khatna lawm nan rally 250 huaihawt tum

BJP chuan Prime Minister Narendra Modi-a kaihhruai NDA sorkarin kum khat a tlin chu kar khat chhung lawm a tum. Hemi chhung hian rally 250 vel huaihawt a tum a ni.

May 25 hian Rashtriya Swayamsevak Sangh (RSS) mentor, Deen Dayal Upadhyay-a khua, Mathur-ah PM Modi hian a lawmna rally a hawng dawn a, hemi hnu hian ramchhung hmun hrang hrangah rally hi neih ni ang.

NDA sorkar kum khat tlin lawmna neih dan tur hi Ningani khan BJP chuan Delhi-a an party headquarters-ah a ngaihtuah ṭan a ni. A kum khat tlin ni hian ramchhung hmun hrang hranga hmun 500 velah media conference neih tum a ni a, party thupuangtu 150-te'n nikhat awh workshop an buatsaih bawk ang.

BJP President Amit Shah chuan kum khat chhunga NDA sorkar hnathawh leh hlawhtlinna hrang hrangte mipui hriatah puanzar a ni dawn tih a sawi. Party MP tinte pawh an constituency-ah an hnathawhte tarlanna booklet sem chhuak tura tih an ni bawk.