Sumdawng hausate tan Modi-an ro a rel: Rahul

All India Congress Committee vice-president Rahul Gandhi chuan Prime Minister Narendra Modi-a kaihhruai sorkarin land bill a tihdanglam avanga lungawi lohna lantir nan nimin khan Telangana, Adilabad District-ah loneitute nen kilometre 15-a thui kein kawng an zawh.

Rahul-a hian Koratical khuaa thla ruk kaltaa loneitu mahni intihlum ta, D V Rajeshwar-a chhungte hmuin zângnadawmna cheng nuai hnih a hlan bawk.

Loneitute pungkhawmte hmaah thu sawiin, Prime Minister Modi leh Telangana Chief Minister Prime Minister and the TS Chief Minister chu loneitute thlai zawrhna man, Minimum Support Price tipung tura an thutiam tipuitling loah a puh a, Modi leh Rao chuan loneitute harsatna chu sutkiansak se la chuan km 15-a thuiah kea kawng a zawh loh tur thu a sawi.

Congress Vice President Rahul chuan Prime Minister Modi chu sumdawng hausate tana ro relah puhin, loneitute tan thlai chinna ram chu rangkachak a ni a, mahse NDA sorkar chuan he thil hi a ṭhian ṭha, sumdawng hausate hnenah pek a duh a ni, a ti. Congress chuan industry tihchangtlunna lam chu a dodal loh thu leh industry tihchangtlunna chu loneitute hmasawnna nen a rualin a kal tur a ni, a ti.