Telco-te licence pawhsei a dilna SC-in a hnawl

Supreme Court chuan telecom company hrang hrangte'n an licence pawhsei dilna petition an thehluh chu a hnawlsak.

Telecom company-te hian sorkarin spectrum licence, kum 20 chhung atana a pek chu kum 10 dang pawhsei sak turin an dil a ni. Petition thehluttu zingah hian Bharti Airtel, Idea Cellular, Vodafone Mobile Services leh Loop Mobile India-te pawh an tel.

Telecom operator-te chuan sorkarin an licence pawtsei tura an dilna a hnawlsak chu a dik lo a ni tiin, SC-ah hian petition an thehlut a ni. Company-te chuan 20-year licence pek an nihah hian kum 10 dang pawhsei theih tih pawh tarlan a ni, an ti. Mahse sorkar chuan hei hi zawm ngei ngei tur tihna ni loin, 'pawhsei theih' tih ringawt a nih thu a sawi ve thung.