Sipai tihchangtlunna tur project tihfel a ni

Defence Ministry chuan sipai tihchangtlun leh thuam chakna tur, cheng vaibelchhe 20,000 hu mega project chu Nilaini khan a tifel.

Defence Minister Mano­­har Parrikar-a kaih­hruai Defence Acquisition Coun­cil chuan US aṭanga M-777 howitzer artillery gun 145 leina tur a pawm a, heng silaite hi India ramah siam a ni ang. M777 artillery gun hi tlangram bikah hman a ni tlangpui ṭhin.

Indian Army tan Kamov 228 chopper 200, VVIP transport atan Boeing 777-300 aircraft pa­hnih bakah Navy tan BrahMos missile system paruk lei a ni dawn bawk a, Avro thlaktu atan Airbus-Tata hman tum a ni bawk.

Minister chuan Indian Airforce tana Airbus hnen aṭanga mid-air refueller aircraft lei tum chu, Indian Airlines hnena thlawh­theihna 43 supply na cheng vaibelchhe 8,000 man inremnaa thil dik tawk lo awmte CBI in a la chhui mek avangin kalpui theih a la ni lo, a ti. CBI hian Eu­rope-a company lian, Air­bus Industries lakah thu­buai a lo ziaklut tawh a ni.