Vistara Flight thlawh tawpna a ni ta

Vistara airlines chu nimin, Thawhṭanni kha Vistara hming anga a thlawh chhuahna hun hnuhnung ber a ni ta. Vistara airlines hi Air India nen an inchhunfin tawh dawn a ni.

Vistara hi Tata Group leh Singapore Airlines te thawk dun in an enkawl niin, nimin Thawhṭanni kha an thawhdunna hun hnuhnung ber a ni ta a ni. Air India chuan Vistara thlawhtheihna te hi a enkawl chhunzawm tawh dawn a, Air India code digit li chu a hmang tawh ang. A hmaa UK 955 flight tih ṭhin chu AI2995 tihin code pawh thlak a ni tawh ang.

A enkawltu a danglam vang hian thlawhtheihnate hi thlak danglam an ni dawn lo a, a hmaa service an pek chhuah ang zawng zawng chu Air India hnuaiah hian pek chhuah vek tho a ni dawn. Customer Vistara call center be pawp duh pawh automatic-in Air India call center ah redirect zel a ni tawh dawn a ni.

Hetih lai hian Air India pilot ṭhenkhat chu Vistara an enkawl chhunzawm dawn tak avang hian an lawm lo thung. Hei hi an chawlh hun kum zat a tlem zawk vang a ni. Mahse Air India chuan hei hi tidanglamin pilot leh staff , kum 58 a retire ṭhin chu kumin August thla khan an thlak tih Air India chuan a puang.

An policy tharah hian pilot thlan bik te chuan contract basis in an retire hnuah kum nga dang an thawh chhunzawm thei dawn a, kum 65 thleng an thawk thei tawh dawn a ni.