Odisha-ah ṭekin mi 30 deng hlum

Odisha state hmun hrang hrangah ṭekin mi 30 a deng hlum a, mi dang 35 in hliam an tuar bawk.

Police-te chuan ṭek tla nasa tak avang hian hmun hrang hrangah thi an awm thu sawiin, Bhadrak district-ah mi parit a deng hlum a, Balaswore district-ah mi pasarih leh Khurda district-ah mi panga a deng hlum tih Inrinni khan an sawi.

Mayurbhanj district-ah ṭek hian mi pathum a deng hlum bawk a, Kendrapara, Jajpur, Keonjhar leh Nayagarh-ahte mi pakhat ṭheuh an thi a, mi dang pathum thi te chu an chanchin kimchang hriat a la ni lo.

Chief Minister Na≠veen Patnaik chuan ṭek tla avanga nunna chan chhungte chu a tawrhpui thu sawiin, Special Relief Commissioner (SRC) hnenah mitthi chhungte chhawmdawlna pe turin a hriattir nghal a ni.