July-Aug-ah mi vbc 25-30damdawi pek hman tum
Union Health minister Harsh Vardhan chuan nakkum kumtir thla thum thla li hnu velah chuan ramchhungah Covid-19 damdawi sem hman a nih a beisei tawh thu sawiin, July-August thla velah phei chuan mi vaibelchhe 25-30 vel hnenah pek hman an tum tih a sawi.
Nimina Delhi-a thuthar thehdarhtute a kawmnaah Harsh Vardhan chuan mipuite chu Covid-19 kai lohna tura tih ngaite tih chhunzawm zel tura chahin, hmai tuam leh social distancing zawm zel a ṭul thu a sawi.
"Covid hi thla 11 chhung kan do ṭep tawh. Chumi chhunga pawimawh ber chu keimahni leh midang venhima kan zawm ngei ngai, mahni invawn fai leh midang hlata awm te kan chhunzawm a ngai a ni. Covid dona kawnga kan ralthuam neih ṭhat ber chu hmai tuamna leh sanitiser a ni," a ti.
Union minister chuan India ram chu khawvel puma Covid-91 kai dam leh rate sanna ber zinga mi a ni tih sawiin January 1-ah chuan hrikai endikna laboratory pakhat chauh a awm laiin tunah chuan 2,165 a awm tawh tih a sawi. Nitin mi nuai chuang endik an ni a, vawiin thleng khan vaibelchhe 14 chuang kan endik tawh. Hei hian sorkar inpekna leh corona dotute hnathawh a tilang a ni," tiin a sawi bawk.
India ramah hian tunah hian Covid-19 kai nuai 94 chuang awm tawhin chung zingah nuai 88 chuang chu an dam leh tawh a, hri kai mek nuai 4 chuang awmin mi 1,37,139-in an thihpui tawh a ni.