Maharashtra-a lei chimah chin hriat lohin mi 20 awm

Maharashtra-a Konkan bialah ruahsur nasa avangin nimin zing khan Mubai-Goa National Highway-a British hunlaia lei dawh chu a chim a, bus leh motor ṭhenkhat a chim hnan a, ruang pahnih hmuh a ni tawh a, chin hriat lohin mi 20 an la awm.

Madad khawpui bula Savirti lui-a lei dawh hi kum 70 zeta upa a ni tawh a, Mumbai-Goa inkalpawhna kawng pawimawh tak a ni. Nimin zing dar 1 vel khan lui tui hi nasa taka len avangin a chim a ni.

Tualchhung mite chuan lei chim hian state transport bus pahin, passenger 11 ve awmna bakah private motor panga/paruk vel a chim hnan nia an hriat thu leh, heng motor-te hi tuilianin a len zui nia an hriat thu an sawi. Navy leh Coast Guard-te chuan Chetak helicopter hmangin bo zawn hna hi an thawk nghal. Chhanchhuah hna thawhnaa pui tur hian member 45 awmna National Disaster Response Force chuan Pune aṭangin Raigad an thleng tawh bawk.

Maharashtra Chief Minister Devendra Fadnavis chuan nimin zing khan Prime Minister Narendra Modi chuan telephone-a a biak nghal thu leh, a ṭul anga sorkar laipuiin a puih zel tur thu a hrilh niin a sawi.