PM MODI Asian leadership conference-ah thu a sawi

Prime Minister Narendra Modi chuan nimin khan Seoul-a 6th Asian leadership conference neihnaah thu a sawi.

PM chuan Asia hian a hausakna leh a market-te chu a mamawhtute'n an ṭawmpui theih tura a inbuatsaih a ngaih thu a sawi a, lungrual taka hna thawk ho a, firfiakte do letna kawngah te, leilung chhiatna rapthlak tak leh hri leng hmachhawnna kawngahte thawhho a ngai a ni, a ti.

Modi hian nimin vek khan Seoul khaw chuanhnuaia lama awm, kilometre 10.9-a thui, modern public recreation space, Cheonggyecheon a tlawh. PM hi city mayor-in a ṭawiawm a, hun eng emaw chen he hmunah hian India mite nen hun an hmangho.

Seoul-a India-South Korea CEOs Forum din tharin meeting hmasa ber a buatsaihah PM chuan thu a sawi bawk a, he hunah hian CEO 11 leh sumdawng pawl hruaitu dangte an tel. Modi chuan sumdawng liante chu India ramah an huang zauh tura sawmin, a kaihhruai sorkar chuan ram dang sumdawngte tana awlsam zawka India rama sumdawnna an kalpui theih dan tur a ngaihtuah mek a, mimal taka lo ngaihsak an nih tur thu a sawi. PM hian Hyundai, Samsung Electronics, POSCO leh LG company hotute chu a hran ṭheuhin a lo kawm tawh bawk.