Su-30 fighter jet a tla

Nimin chawhnu lam khan Sukhoi-30MKI chu Assam-ah a khawl chian loh avangin a tla a, pilot leh co-pilot te chu him takin an invawrh chhuak hman.

Nimina Sukhoi-30MKI tla hi kum 15 chhunga paruk a tlakna a ni.

Mi pahnih chuan theihna, Sukhoi hi Tezpur airbase aṭangin chhun dar 12.17-ah dan pangngaiin a thlawk chhuak a, mahse a khawl lamah thil fel lo a awm avangin a thlawh chhuah hnu reilote, chhun dar 12.30 vel khan Tezpur chhim lam, kilometre 36 vela hlaa ramhnuaiah a tla a ni.

Indian Air Force chuan Sukhoi tlak chhan hi chhui chiang turin thupek a tichhuak nghal.

Sukhoi fleet hi Russia aṭanga order niin, dollar tluklehdingawn 12-a a order 272 zinga 200 chu IAF hnenah hian hlan a ni tawh. Nikum October 14 khan Pune bulah pakhat a tlak avangin an khawlte enfiah turin thla khat chhung chu dintir an lo ni tawh.