ED-in Maha leh Gujarat-ah hmun 23 dap

Enforcement Directorate(ED) chuan assembly inthlan neihna tur, Maharashtra leh a thenawm, Gujarat state-ah Malegaon-a sumdawng pakhat, inthlan neih tur atana dik lo taka bank account hmanga sum khawih che a puh a nih kaihhnawihah hmun 23 an dap.

Central agency chuan he thil thleng hi sumdawng, tea leh cold drink agency neitu, Siraj Ahmed Harun Memon-a'n Malegoan-a bank hrang hranga account a hawn aṭanga hriat a nih thu an sawi. Document lem leh Know Your Customer (KYC) kimchang lo te hmangin bank account eng emaw zat a lo hawng a, hemi kaltlang hian Rs vbc 100 chuang a lo khawih che niin an tarlang . Memon hi manin thubuai pawh siamsak a ni tawh bawk.

Maharashtra-ah hian November 20-ah assembly inthlan neih a ni dawn a, Memon hian bank account hrang hrangte hi inthlan neih chhuanlama hmanga sum khawnna atan a hmang nia sawi a ni. Bank account hi 14 hawn niin heng account aṭang hian transaction ṭum 2,200 chuang an khawih che hman a ni.