DRDO-in Pinaka rocket hlawhtling takin enchhin

Defence Research and Development Organisation (DRDO) chuan Ningani, November 14, 2024 khan Pinaka multi-barrel rocket(MBRL) system chu hlawhtling taka enchhin a nih thu an tarlang.

Pinaka hian an enchhinnaah hian km 75-a hla a kap thei tih finfiah niin, ralthuam enchhinna hi firing range hmun hrang hrangah ṭhuang thuma neih a ni.

"Enchhinna neih a nih lai hian Provisional Staff Qualitative Requirements (PSQR tehna hrang hrang ranging, accuracy,consistency leh vawikhata target hrang hrang a kah fuh theih dan te enchhin a ni. Pinaka launcher aṭangin production agency rocket 12 te chu enchhin an ni" tiin DRDO thuchhuah chuan a tarlang a ni.

Indian Army hian Pinaka regiment hi paruk neiin a dang pawh chah bell mek zel a ni a. Pinaka Mk1 hian km 38 a hla kap theiin a aia hla pawh kap thei tura tihchangtlun mek a ni bawk. Ruahman danin km 120 a thui kap thei tura tih niin hemi hnu hian km 300 a thui kap theia siam tum leh a ni bawk.

Pinaka ralthuam hi India chhulchhuak niin Armament Research and Development Establishment leh Research Centre Imarat, Defence Research and Development Laboratory, High Energy Materials Research Laboratory and Proof & Experimental Establishment te thawk ho in an siam a ni. Dr. Samir V. Kamat, Secretary, Department of Defence R&D leh DRDO Chairman ni bawk chuan Indian Army te hman theiha pek hma hian enchhinna ṭul zawng zawgn tih fel hmasak a nih thu a sawi.