Chhattisgarh-in industrial developmet policy thar tlangzarh

Chhattisgarh chief minister Vishnu Deo Sai chuan state hmasawnna tura an duan, Industrial Policy 2024-2030 a tlangzarh. He policy hi economic ṭhanlen nan te, hna thar tam zawk siamnan leh industrial development daih rei zawk thlentu atana duan a nih thu a sawi.

CM chuan policy thar chungchang a sawinaah," He hmalakna thar hi economy leh vantlang dinhmun hmasawnna tur atana kailawn thar tur a ni. Hemi kaltlang hian state chhungah hmasawnna leh vantlang mipui hrang hrang tan hamṭhatna a rawn chaw chhuak thei dawn a ni. Industry lama ṭhanlenna turah a puih bakah tualchhung kutchhuak tih hmasawnna leh mipui te tana hlawkpui tur tam tak a thlen dawn a ni" a ti.

Policy thar hnuaiah hian ṭhalai, hmeichhia, rualbanlo leh marginalised community te tan chuan hna thawh tur peng thar chhawp chhuah a ni dawn a, entrepreneur leh sector hrang hrang aṭanga investment tihna kawngah pawh hmasawnna a thlen dawn a ni. Maoist hel in pe te, hmeiche entrepreneur, Agniveer sipai, retire ex-servicemen leh scheduled caste leh tribe te tan public leh private sector-a hna thawhna kawng a hawnsak tel dawn bawk a ni.

State sorkarin policy thar a duan hian high-potential category-ah thlurbing neiin chungte chu pharmaceutial, textile, agriculture leh food processing, non-wood forest product, green hydrogen, electronics, Artificial Intelligence, robotics leh Solar energy te niin, investment tih duh te hip theihna turin special incentives pawh a siam tel bawk.