Tribal hmasawnna hian bithliah chin a nei lo: President

President Dropadi Murmu chuan Ningani khan Bhagwan Birsa Munda piancham lawmna neih ṭhin 'Janjatiya Gaurav Divas' urlawkna puala thu a saw naah India-in intodelhna tluantling a neihna tur chuan tribal-te hmasawnna a thlen hmasak phawt a ngai a ni, a ti.

Dropadi Murmu chuan sorkar laipuiin tribal mi leh sa te hmasawnna a dah pawimawhna te chu lawmawm a tih thu sawiin, "Kan ram chu tribal mite tana hmasawnna a thlen hun ah hmasawnna dik takah kan in hlang kai thei ang. Chak taka tribal hmasawnna thlentir chu sorkarlaipui ngaih pawimawh ber a ni" tiin a sawi.

President chuan tribal mi pasalṭhate an chhuanawm thu sawiin, British rorelna hnuaia dikna kan chan theihna tura an beihna te chu hlu a tih thu a tarlang bawk, Tribal mi leh sa te tihhmasawnna turin Ministry of Tribal Affairs chuan kumin atan Rs vbc 13,000 a dah thu leh, hei hi nikuma budget an dah aiin 74% laia a pun thu a sawi lang bawk.