Sorkar ad-a politician thlalak dah khapna ennawn ngen

Sorkarin adver­tise­ment a tihchhuahah Prime Minister, President leh Chief Justice of India thla­lak bak dah khapna dan Supreme Court-in a siam chu ennawn turin Tamil Nadu sorkar chuan a ngen.

SC hian kar kalta khan thupek hi tichhuakin, poli­tician dangte thla­lak advertisement a tilang tawh lo turin khuah­khirh­na dan a siam a ni. Adver­stiment tihchhuahte enfiah­tu atan sorkar chu member pathum awmna com­mittee din turin a ti bawk.

Mahse TN sorkar chuan court thupek chu centre leh state-te hlut­na a tidal thei dawn a ni tiin, state sorkarin a hna­thawh hrang hrangte, hlawhtlinna a neihte a tarlanaah chuan Chief Minis­ter thlalak chu dah phalsak a ni tur a ni, a ti.

Supreme Court hian nikum khan sorkar advertisement tihchhuah chungchang zirchiang leh rawtna siam turin high power committee a din a, committee hian sorkar advertisement-ah political party hming leh thlalak bakah an hruaitute hming tarlan tawh lo nise tiin rawtna a siam a ni. Public fund aṭanga advertisement tihchhuah ṭhin hi sorkar lamin dik lo takin, politics lama hlawkpui tumna atan a hmang thei a ni a ti. Hetihlai hian committee hian President leh Prime Minister thlalak bakah, Governor leh Chief Mi­nis­ter-te thlalak erawh telh a rawt thung.