Punjab Congress hruaitute'n central rule puan an phut

Punjab-a Congress party hruaitute chuan nimin khan President Pranab Mukherjee an hmu a, an state-a dan leh thupek dinhmun tlachhe mek avangin central rule puang mai turin an phut.

Congress hruaitute chaun Moga-a Chief Minister Parkash Singh Badal chhungkua company bus chhunga hmeichhe tleirawl mipat hmeichhiat lam hawia khawih a nih leh, bus aṭanga paihchhuah a nih hnua a hliam tuar loa a thih tak avangin state chhung boruak a chhe hle a ni, an ti.

President hmu tura kalte hi Union Minister hlui Ambika Soni, Ashwani Kumar leh MS Gill bakah, party general secretary incharge Punjab Congress Shakeel Ahmed, Bajwa leh CLP leader Sunil Jakhar-te an ni.