PM-in 'G20 Summit' hmang turin Brazil a thleng

Prime minister Narendra Modi chuan nimin, Thawhṭanni khan Nigeria aṭangin 'G20 Summit', November 18-19 chhunga neih tur hmang turin Brazil a thleng.

Ram pathum tlawh tura zin chhuak, Prime Minister hian Brazil-a hun a hman zawhah Guyana chu November 19-21 hian a tlawh leh dawn a, heta ṭang hian India lam panin a lo haw ang.

PM Modi-a'n Brazil a thlen thu hi Ministry of External Affairs(MEA) chuan X ah tarlangin,"Prime Minister Narendra Modi chuan ram nuam tak Rio de Janeiro, Brazil chu 'G20 Brazil Summit' hmang turin a thleng ta" a ti. PM pawh hian a official X ah post siamin,"Rio de Janeiro, Brazil chu G20 Summit hmang turin ka thleng a,summit neih rual hian ram hruaitu hrang hrangte nen inbiang biakna hun ṭha tak hman ka inbeisei a ni" tiin a tarlang ve bawk.